പടഹദ്ധ്വനികളുയര്‍ത്തിയന്നിരമ്പിപ്പാഞ്ഞ-
പ്പോര്‍ രഥത്തിന്‍റെയിളകിപ്പോയ ചക്രത്തില്‍-
പ്പറ്റിയ കട്ടച്ചോരയില്‍ കാര്‍ക്കിച്ചു തുപ്പി-
യതിടതു കയ്യിലെ ചൂണ്ടു വിരലാല്‍ ചാലിച്ചു
നെറ്റിയില്‍ ചാര്‍ത്തിയതിലുന്മത്തരായി-
ട്ടിന്നട്ടഹസിക്കുന്നു കോമരങ്ങള്‍...
പ്പോര്‍ രഥത്തിന്‍റെയിളകിപ്പോയ ചക്രത്തില്‍-
പ്പറ്റിയ കട്ടച്ചോരയില്‍ കാര്‍ക്കിച്ചു തുപ്പി-
യതിടതു കയ്യിലെ ചൂണ്ടു വിരലാല്‍ ചാലിച്ചു
നെറ്റിയില്‍ ചാര്‍ത്തിയതിലുന്മത്തരായി-
ട്ടിന്നട്ടഹസിക്കുന്നു കോമരങ്ങള്‍...
അവകാശങ്ങള്‍ നേടുവതിനായന്നു സ്വയം
നെഞ്ചു കീറിയ നീറ്റലുമായുര്‍വിയെ പുല്‍കി,
യവനികക്കു പിറകില്‍ മറഞ്ഞ മഹാരഥര്‍
തന്‍ വീര ചരിതമെഴുതിയ താളിയോലകളാല്‍
വീശറി മെനഞ്ഞു വീശിത്തകര്‍ക്കുന്നു ധീരമാ-
മിന്നലെകള്‍ തന്‍ വീര്യം പുലമ്പിക്കൊണ്ടും...
നെഞ്ചു കീറിയ നീറ്റലുമായുര്‍വിയെ പുല്‍കി,
യവനികക്കു പിറകില്‍ മറഞ്ഞ മഹാരഥര്‍
തന്‍ വീര ചരിതമെഴുതിയ താളിയോലകളാല്‍
വീശറി മെനഞ്ഞു വീശിത്തകര്‍ക്കുന്നു ധീരമാ-
മിന്നലെകള്‍ തന്‍ വീര്യം പുലമ്പിക്കൊണ്ടും...
വാരിക്കുന്തവുമായ് വെടിയുണ്ടകള്‍ നേരിട്ടു
പിടഞ്ഞു വീണാ പുണ്യാത്മാക്കള്‍ തന്‍
നിണത്തില്‍ കിളിര്‍ത്തു തഴച്ചു വളര്‍ന്നൊരാ
ചെടിയില്‍ കായ്ച്ച ചുവന്ന പഴങ്ങള്‍
ആര്‍ത്തിയോടെ വെട്ടി വിഴുങ്ങിയാര്‍ത്തു
വിളിയ്ക്കുന്നൂയിവരിന്നിങ്ക്വിലാബുകള്‍...
പിടഞ്ഞു വീണാ പുണ്യാത്മാക്കള്‍ തന്‍
നിണത്തില്‍ കിളിര്‍ത്തു തഴച്ചു വളര്‍ന്നൊരാ
ചെടിയില്‍ കായ്ച്ച ചുവന്ന പഴങ്ങള്‍
ആര്‍ത്തിയോടെ വെട്ടി വിഴുങ്ങിയാര്‍ത്തു
വിളിയ്ക്കുന്നൂയിവരിന്നിങ്ക്വിലാബുകള്‍...
പ്ലാസ്റ്റിക്കിന്‍ തോരണങ്ങളണിയിച്ചിട്ടൊരു-
മഹാശയന്‍ തന്‍ ചിത്രവും ചുമരില്‍ തൂക്കിയി-
ട്ടതിന്‍ മുന്നില്‍ ചമ്രം പടിഞ്ഞിരുന്നിന്നേവം
തേയിലക്കറ പുരളും മദ്യക്കോപ്പ നുണഞ്ഞും
ബീഡി വലിച്ചും, മൂര്‍ച്ച കൂട്ടുന്നൂ പിണങ്ങിയൊ-
രാദര്‍ശവാദി തന്‍ നെഞ്ചിലേറ്റാനുള്ള വാളുകള്‍...
മഹാശയന്‍ തന്‍ ചിത്രവും ചുമരില്‍ തൂക്കിയി-
ട്ടതിന്‍ മുന്നില്‍ ചമ്രം പടിഞ്ഞിരുന്നിന്നേവം
തേയിലക്കറ പുരളും മദ്യക്കോപ്പ നുണഞ്ഞും
ബീഡി വലിച്ചും, മൂര്‍ച്ച കൂട്ടുന്നൂ പിണങ്ങിയൊ-
രാദര്‍ശവാദി തന്‍ നെഞ്ചിലേറ്റാനുള്ള വാളുകള്‍...
ആദര്‍ശങ്ങള്‍ കമ്പോളത്തില്‍ വില്‍പ്പനക്കായ്
തൂങ്ങിയാടുമ്പോളതിന്‍ വിലപേശി വാങ്ങു-
മരാഷ്ട്രവാദികള്‍ തന്‍ കൊടിക്കീഴില്‍ കഴുത പോല്‍
തൊണ്ട കീറി മുദ്രാവാക്യം മുഴക്കിയും
ഹര്‍ത്താലുകളാഘോഷങ്ങളാക്കി, വിശന്നു
പൊരിയും വയറുകളിലിവര്‍ തീ കോരിയിടുന്നു..
തൂങ്ങിയാടുമ്പോളതിന്‍ വിലപേശി വാങ്ങു-
മരാഷ്ട്രവാദികള്‍ തന്‍ കൊടിക്കീഴില്‍ കഴുത പോല്‍
തൊണ്ട കീറി മുദ്രാവാക്യം മുഴക്കിയും
ഹര്‍ത്താലുകളാഘോഷങ്ങളാക്കി, വിശന്നു
പൊരിയും വയറുകളിലിവര്‍ തീ കോരിയിടുന്നു..
അശരീരിയായ ദൈവത്തിന്‍ പ്രതിനിധികളായ്
വിലസുമാള്‍ദൈവങ്ങള്‍ക്കിടയിലൊരു നിരീശ്വര-
വാദിയായ് മാലയും ചാര്‍ത്തി ചില്ലിന്‍ കൂട്ടി-
ലസ്വസ്ഥമായ് മരുവുമാദര്‍ശ ധീരരാം മനുഷ്യ-
സ്നേഹികളേ.. നിങ്ങള്‍ക്കറിയാമോ നിങ്ങളുമിന്നു
ധനികര്‍ക്ക് മന്ന* പൊഴിച്ചീടുമാള്‍ദൈവങ്ങള്‍...
- ജോയ് ഗുരുവായൂര്‍
വിലസുമാള്‍ദൈവങ്ങള്‍ക്കിടയിലൊരു നിരീശ്വര-
വാദിയായ് മാലയും ചാര്‍ത്തി ചില്ലിന്‍ കൂട്ടി-
ലസ്വസ്ഥമായ് മരുവുമാദര്‍ശ ധീരരാം മനുഷ്യ-
സ്നേഹികളേ.. നിങ്ങള്‍ക്കറിയാമോ നിങ്ങളുമിന്നു
ധനികര്‍ക്ക് മന്ന* പൊഴിച്ചീടുമാള്‍ദൈവങ്ങള്‍...
- ജോയ് ഗുരുവായൂര്‍
*മന്ന - തേനും പാലുമൊഴുകുന്ന കാനാന്‍ ദേശത്തെക്കുള്ള അനന്തമായ യാത്രയില്‍ വിശന്നു പൊരിഞ്ഞ ഇസ്രായേല്‍ ജനത്തിന് ദൈവം ആകാശത്തു നിന്നും പൊഴിച്ചു കൊടുത്ത ഭക്ഷണ പദാര്‍ത്ഥം
No comments:
Post a Comment